Кизил мия илдизи: Қизилмия илдизининг сиропи-LIK – medu.uz – Дорилар ҳақида маълумотлар ўзбек тилида

Posted on by

Қизилмия илдизининг сиропи-LIK – medu.uz – Дорилар ҳақида маълумотлар ўзбек тилида

  Reading time 3 minutes

ҚЎЛЛАШ БЎЙИЧА ЙЎРИҚНОМА

ҚИЗИЛМИЯ ИЛДИЗИНИНГ СИРОПИ-LIK

SIRUPUS RADICIBUS GLYCYRRHIZAE-LIK

Препаратнинг савдо номи: Қизилмия илдизининг сиропи-LIK

Таъсир этувчи модда (ХПН): қизилмия илдизи қуюқ экстракти

Дори шакли: сироп

Таркиби:

100 г сироп қуйидагиларни сақлайди:

фаол модда: қизилмия илдизи қуюқ экстракти – 4 г;

ёрдамчи моддалар: қандли сироп – 86 г, 90% ли этил спирти – 10 г.

Таърифи: қўнғир рангли, ўзига хос ҳидга ва таъмга эга қуюқроқ суюқлик.

Фармакотерапевтик гурухи: Балғам кўчирувчи восита.

АТХ коди: R05CА

Фармакологик хусусиятлари

Фармакодинамикаси

Биологик фаол моддалар мажмуасини: глицирризин кислотаси, тритерпен кислотаси, гликозидлари, флавоноидлар, ликвиротозид, триоксихальконлар, пентациклик тритерпен, карбеноксален ва бошқаларни сақлайди.

Балғам кўчирувчи, яллиғланишга қарши ва аллергияга қарши таъсир кўрсатади, меъда-ичак йўлларининг сурункали яллиғланиш касалликларида айниқса, меъда шираси кислотаси ошиб кетган ҳолларда, меъда ва ўн икки бармоқ ичак яраси битишини тезлаштиради. Глицирризин кислотаси, организмда метаболик ўзгаришларга учраб, кортикостероидга ўхшаш таъсир кўрсатади. Шунингдек организмнинг носпецифик резистентлигини оширади, стафилококк, туберкулёз микобактерияси, ичак таёқчаси микробларига қарши фаолликка эга.

 

Фармакокинетикаси

Препаратнинг фармакокинетик текширишлари ўтказилмаган, чунки препарат турли биологик фаол моддаларни сақлайди.

 

Қўлланилиши

Нафас йўлларининг балғам ажралиши қийин бўлган, йўтал билан кечувчи ўткир ва сурункали инфекцион-яллиғланиш касалликларини (бронхитлар, трахеобронхитлар, бронхопневмония, бронхоэктатик касаллик ва бошқалар) даволашда қўлланади. Меъда ва ўн икки бармоқ ичак асоратланмаган яра касаллигида, юқори секретор фаолиятли сурункали гастритни мажмуавий даволаш таркибида қўлланади. Организмининг носпецифик резистентлигини оширувчи восита сифатида ҳолсизланган пациентларда қўлланади. Болаларда кузатиладиган аллергик дерматит ва дерматозларни даволашда қўлланади.

Қўллаш усули ва дозалари

Қизилмия илдизи сиропи кунига 3 марта ичга қабул қилинади:

  • катталарга – 1 қабул қилишда бир десерт қошиқ ½ стакан сувда буюрилади;
  • 12 ёшдан катталарга – 1 қабул қилишда 1 чой қошиқ ¼ стакан сувда буюрилади;
  • 2 ёшдан 12 ёшгача бўлган болаларга бир қабул қилишда ½ чой қошиқ ¼ стакан сувда буюрилади;
  • 2 ёшгача бўлган болаларга – 1-2 томчидан 1 десерт қошиқ сувда қабул қилинади.

Даволаш курси 7-10 кунни ташкил этади.

Препаратни бундан узоқроқ вақт давомида қўллаш тавсия қилинмайди.

Ножўя таъсирлари

Аллергик реакциялар. Узоқ вақт қўлланилганда артериал қон босимини ошиши, суюқликни тутилиши, хатто шиш пайдо бўлиши мумкин.

Қўллаш мумкин бўлмаган холатлар

Препаратга юқори сезувчанлик, ҳомиладорлик ва лактация даврида қўллаш мумкин эмас.

 

Дориларнинг ўзаро таъсири

Гипокалиемиянинг ривожланиши эҳтимоли туфайли, қизилмия препаратларини тиазид диуретиклар билан бир вақтда қўллаш тавсия этилмайди. Қизилмияни узоқ вақт қўллаш билан боғлиқ гипокалиемия юрак гликозидларининг токсик таъсирини кучайтириши мумкин. Қизилмия ва кортикостероидларни бир вақтда қўлланилганда кортизолнинг ярим чиқарилиш даври узайиши мумкин.

Махсус кўрсатмалар

Автомобиль ва ҳаракатланувчи механизмларни бошқаришда эҳтиёткорликка риоя қилиш керак, чунки препарат этил спирти сақлайди.

Ҳомиладорлик ва лактация.

Ҳомиладорлик ва лактация даврида препаратни эҳтиёткорлик билан қўллаш лозим.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Симптомлари: кўрсатилган дозаларда юқори дозаларда узоқ вақт қўлланилганда гипокалиемия, артериал босимни ошиши, сув-туз алмашинувини бузилиши оқибатида периферик шишлар пайдо бўлиши мумкин.

Симптоматик даволаш ўтказилади.

Чиқарилиш шакли

50, 90 ёки 100 мл дан бураладиган қопқоқли шиша флаконларда. Ҳар бир флакон қўллаш бўйича йўриқномаси билан бирга картонли пеналда.

Сақлаш шароитлари

Қуруқ, ёруғликдан ҳимояланган жойда, 25°С дан юқори бўлмаган ҳароратда сақлансин.

 

Яроқлилик муддати

2 йил.

 

Дорихоналардан бериш тартиби

Рецептсиз.

Қизилмия илдизининг сиропи – medu.uz – Дорилар ҳақида маълумотлар ўзбек тилида

  Reading time 3 minutes

ҚЎЛЛАШ БЎЙИЧА ЙЎРИҚНОМА

ҚИЗИЛМИЯ ИЛДИЗИНИНГ СИРОПИ

SIRUPUS GLYCYRRHIZAE RADIСIS

 

Препаратнинг савдо номи: Қизилмия илдизининг сиропи

Дори шакли: Сироп

100 г сироп таркиби:

Фаол модда: Қизилмия илдизининг қуюқ экстракти 4 г.

Ёрдамчи моддалар: қанд сиропи, ректификацияланган 90% ли этил спирти.

Таърифи: Қўнғир рангли, ўзига хос ҳидли ва таъмли қуюқроқ суюқлик.

Фармакотерапевтик гуруҳи: Балғам кўчирувчи восита.

 

Фармакологик хусусиятлари

Балғам кўчирувчи, яллиғланишга қарши ва аллергияга қарши таъсир кўрсатади, меъда – ичак йўлларининг сурункали касалликларида, айниқса меъда ширасининг юқори кислоталилигида меъда ва ўникки бармоқ ичак ярасини битишини тезлаштиради.

Глицирризин кислотаси организмда метаболик ўзгаришларга учраб, кортикостероидсимон таъсир кўрсатади.

 

Қўлланилиши

Қийин ажралувчи балғамли йўтал билан кечувчи, нафас йўлларининг ўткир ва сурункали инфекцион-яллиғланиш касаллиларини (бронхитлар, трахеобронхитлар, бронхопневмония, бронхоэктатик касаллик ва бошқ.) даволаш. Секретор фаолиятини кучайиши билан намоён бўлувчи сурункали гастритни мажмуавий даволаш таркибида, меъда ва ўникки бармоқ ичакнинг асоратсиз ярали касалликларида қўлланади.

Қўллаш усули ва дозалари

Сироп наҳорга ёки овқатланишдан олдин қабул қилинади.

2 ёшгача бўлган болаларга – боланинг ёши нечада бўлса шунча томчи (олдиндан 1 чой қошиқ сувда суюлтирилган), кунига 3 марта буюрилади.

2-3 ёшли болаларга ½ чой қошиқдан кунига 3 марта буюрилади.

4-7 ёшли болаларга 1-2 чой қошиқдан кунига 3 марта буюрилади.

8-12 ёшли болаларга кўпи билан 1 десерт қошиқдан кунига 3 марта буюрилади.

12 ёшдан ошган болаларга ва катталарга 1 ош қошиқдан кунига 3 марта буюрилади.

Даволаш курси 2-4 ҳафта.

Флакон ичидагисини ҳар бир қўллашдан олдин чайқатиш тавсия қилинади.

Ножўя таъсирлари

  • аллергик реакциялар;
  • қусиш;
  • жиғилдон қайнаши.

Давомли қўлланганда артериал босимини ошиши, суюқликни шишлар пайдо бўлишга қадар тутилиши.

Қўллаш мумкин бўлмаган ҳолатлар

Препаратга юқори сезувчанлик.

Дориларнинг ўзаро таъсири

Гипогликемияни ривожланиши хавфи туфайли тиазид диуретиклар билан бир вақтда қўллаш тавсия этилмайди. Қизилмияни узоқ вақт қўллаш билан боғлиқ гипокалиемия, юрак гликозидларининг захарли таъсирини потенциялаши мумкин.

Махсус кўрсатмалар

Бронхиал астмаси бўлган беморларга буюрилганида, уларни доимий кузатиш талаб қилинади (препаратни ўзлаштираолмаслик реакциялари бўлиши мумкин). Таркибида юқори миқдорда қанд бўлганлиги туфайли, препаратни қандли диабети бўлган беморларда эҳтиёткорлик билан қўллаш керак.